செவ்வாய், 3 பிப்ரவரி, 2015

கலாபூஷணம் இ. ஆழ்வாப்பிள்ளை அவர்களுக்கான கௌரவிப்பு விழா




2014 ஆம் ஆண்டுக்கான கலாபூஷணம் விருதினை எனது பிறந்தகமான கெருடாவில் கிராமத்தில் இருந்து முதல்முதல் பெற்றுக்கொண்ட கலைஞர் திரு இ. ஆழ்வாப்பிள்ளை அவர்களுக்கான கௌரவிப்பு விழா நிகழ்வொன்று கெருடாவில் தொண்டைமானாறு இளைஞர்களால் முன்னெடுக்கப்பட்டது.

மேற்படி நிகழ்வு சி. பிரதீபன் தலைமையில் அண்ணா ச.ச நிலையம் அருகில் 03.02.2015 செவ்வாய் மாலை 5.30 மணிக்கு இடம்பெற்றது. நிகழ்வுக்கு பிரதம விருந்தினராக பருத்தித்துறை பிரதேச செயலர் இ.த ஜெயசீலன் அவர்களும், சிறப்பு விருந்தினர்களாக கலாசார அபிவிருத்தி உத்தியோகத்தர் பொன். சுகந்தன், ஓய்வுபெற்ற அதிபர் செ. சதானந்தன் அவர்களும் கலந்து கொண்டனர். கௌரவ விருந்தினர்களாக அதிபர் இரா. சிறீநடராசா, ஆசிரியர் சு. குணேஸ்வரன், ஆசிரியர் து. ராமதாஸ், வல்வெட்டித்துறை பொலிஸ் நிலைய பொறுப்பதிகாரி T.S.Meedin,ஊரிக்காடு இராணுவ முகாம் பொறுப்பதிகாரி ABGR Mendis ஆகியோர் கலந்து சிறப்பித்தனர். நிகழ்வில் பாராட்டுரைகள் இடம்பெற்றதோடு கலை நிகழ்வுகளும் இடம்பெற்றன.
(நிகழ்வில் இருந்து சில ஒளிப்படங்கள்)
பதிவு - சு. குணேஸ்வரன்






வெள்ளி, 16 ஜனவரி, 2015

பட்டத்திருவிழா

பட்டத்திருவிழா

வல்வெட்டித்துறையில் தைப்பொங்கல் தினத்தை முன்னிட்டு நிகழ்ந்த பட்டத்திருவிழாவின் அழகான ஒளிப்படங்களை பின்வரும் இணையத்தளத்தில் இருந்து முழுதாகப் பார்க்கலாம்.
http://www.valvettithurai.org/kites-beautify-valvettithurai-sky-in-jaffna-kites-festival-commences-3522.html


செவ்வாய், 5 ஆகஸ்ட், 2014

கெருடாவில் நற்பணி மன்றத்தின் பரிசளிப்பு விழாவும் கௌரவிப்பும்




   கெருடாவில் நற்பணி மன்றத்தின் பரிசளிப்பு விழாவும் கௌரவிப்பும் நிகழ்வும் 05.08.2014 செவ்வாய்க்கிழமை மாலை 4.30 மணிக்கு கெருடாவில் விவேகானந்தா சனசமூக முன்றலில் இடம்பெற்றது. 

   நிகழ்வுக்கு நற்பணி மன்றத் தலைவர் பா. சுசீந்திரசிங்கம் தலைமை வகித்தார். பிரதம விருந்தினராக தொண்டைமானாறு வீரகத்திப்பிள்ளை மகாவித்தியாலய அதிபர் இரா. சிறீநடராஜா கலந்து சிறப்பித்தார். 

   சிறப்பு விருந்தினர்களாக திரு திருமதி வெ. உதயகுமாரன், திரு திருமதி சி. சிறீகாந்தராசா ஆகியோர் கலந்து சிறப்பித்தனர். கௌரவ விருந்தினர்களாக திரு கு. ரவீந்திரன் (அதிபர்), திரு கே. உதயரூபன் (அதிபர்), திரு சு. குணேஸ்வரன் (ஆசிரியர்), திரு பு. சாந்தரூபன் (கிராம அலுவலர்) ஆகியோர் கலந்து சிறப்பித்தனர். 

   கெருடாவில் பிரதேசத்தைச் சேர்ந்த மாணவர்களுக்கு பரிசில் வழங்கி கௌரவிக்கப்பட்ட நிகழ்வும் இடம்பெற்றது. புலமைப்பரிசில் பரீட்சையில் சித்தியடைந்த மாணவர்களுக்கு துவிச்சக்கர வண்டிகள் வழங்கி கற்றலுக்கு ஊக்குவிக்கப்பட்டனர். மேலும் பல்கலைக்கழகம், கல்வியியற்கல்லூரி ஆகியவற்றில் கற்றுவரும் பிரதேச மாணவர்களுக்கு பரிசில்கள் வழங்கிக் கௌரவிக்கப்பட்டதோடு நற்பணி மன்றத்தில் கல்வி பயிலும் மாணவர்களுக்குரிய சான்றிதழ்களும் பரிசில்களும் வழங்கப்பட்டன. தொடர்ந்து கலை நிகழ்வுகள் இடம்பெற்றன. 


























வியாழன், 15 ஆகஸ்ட், 2013

கெருடாவில் இளைஞர்களின் காவடியாட்டம்





செல்வச்சந்நிதி முருகன் வருடாந்தத் திருவிழாவின் பூங்காவனத் திருவிழாவான 15.08.2013 அன்று எனது பிறந்தகமான கெருடாவில் இளைஞர்கள் காவடி எடுத்தனர். கெருடாவில் மாயவர் ஆலயத்தில் இருந்து கெருடாவில் வைரவர் ஆலயத்தின் ஊடாக சந்நிதி முருகனை சென்றடைந்து தமது நேர்த்திக் கடனை நிறைவேற்றினார்கள். காவடியாட்டத்தில் இருந்து சில படங்கள்.